Услови на лиценцата за апликацијата за управување со дијабетес Accu-Chek® Connect

Со кликнување „Прифати“ подолу, вие (во понатамошниот текст „Корисник“) се согласувате да бидете законски обврзани на следниве услови („договор“) на лиценцата за апликацијата Accu-Chek® Connect.

1 УСЛОВИ НА ЛИЦЕНЦАТА

1.1 Опфатот на овој договор е апликацијата Accu-Chek Connect и особено правата на Корисникот за нејзино користење.

1.2 Само кога Корисникот ќе ја преземе апликацијата Accu-Chek Connect и ќе го прифати овој договор, Roche Diabetes Care GmbH („Roche“) му одобрува на Корисникот ограничено право и лиценца за лична употреба на апликацијата Accu-Chek Connect во согласност со условите на овој договор. Со одредбите од овој договор се уредуваат сите надградби што ги обезбедува Roche и што ја заменуваат и/или дополнуваат оригиналната апликација Accu-Chek Connect, освен ако таквата надградба е придружена од посебна лиценца, во кој случај одредбите на таа лиценца ќе ги уредуваат надградбите.

Roche му доделува на Корисникот право коешто не е ексклузивно, не може да се подлиценцира и не може да се пренесува, единствено заради лична употреба на апликацијата Accu-Chek Connect за (1) поврзување на апликацијата Accu-Chek Connect и разменување податоци со компатибилните мерачи на гликоза во крвта, (2) рачно внесување, управување, извезување и складирање на сопствените податоци за гликоза во крвта и/или инсулин и дополнителните здравствени и лични информации што се во опсегот на апликацијата Accu-Chek Connect, (3) примање пресметан совет за инсулин и (4) создавање, администрирање и употреба на онлајн-функционалноста на веб-профилта на Accu-Chek Connect („Целта на користење“). Корисникот разбира дека апликацијата Accu-Chek Connect може да се користи за управување со индивидуалните податоци на Корисникот. Корисниците на апликацијата Accu-Chek Connect треба да ги толкуваат резултатите во контекст на нивната клиничка историја и симптоми и не треба да прават големи промени во лекувањето без да се консултираат со лекар или друг квалификуван здравствен работник.

1.3 Во случај Корисникот да им одобри пристап до апликацијата Accu-Chek Connect на повеќе поединци, ќе го стори тоа на сопствен ризик. Апликацијата Accu-Chek Connect му овозможува на Корисникот да пренесува податоци, вклучително и неговите/нејзините здравствени податоци, преку е-порака, SMS-порака и MMS-порака. Преносот на таквите податоци ќе се врши преку нешифрирана е-порака, текстуална порака и друг софтвер на телефонот на Корисникот, а податоците ќе се пренесуваат преку мрежи што не ги контролира Roche. Следствено, ако Корисникот избере да пренесува податоци со такви средства, Roche не е одговорен за безбедноста на таквите преноси на ниту еден начин. Корисникот е должен да се погрижи при секој пристап до податоци што му е одобрен на здравствен работник да се пристапува до соодветните податоци за објавување на тој здравствен работник; корисникот е задолжен за таквото објавување на податоци и за тоа е одговорен пред законот.

1.4 Корисникот е должен да пристапува до апликацијата Accu-Chek Connect само преку употребата на мобилни уреди што се во сопственост, изнајмени или на друг начин контролирани од Корисникот. Корисникот нема: (1) да пристапува или да ја користи апликацијата Accu-Chek Connect освен за целта на користење, (2) да одобрува пристап до податоците содржани во апликацијата Accu-Chek Connect на ниедна трета страна, освен до степенот што е потребен за апликацијата Accu-Chek Connect да споделува податоци со овластени трети страни со помош на можностите на апликацијата Accu-Chek Connect за e-пошта, SMS и MMS, (3) да ја копира апликацијата Accu-Chek Connect или екраните со нејзиниот интерфејс целосно или делумно, освен со цел создавање резервна копија што служи единствено за обезбедување идна употребливост на целта на користење, (4) да ја менува, приспособува, преведува, спроведува обратен инженеринг, декомпилира или да ја расклопува апликацијата Accu-Chek Connect, освен во случаите кога тоа е технички потребно за да се обезбеди целта на користење по консултација со Roche.

1.5 Корисникот е должен да соработува со Roche и да му ја даде сета разумна побарана помош за да му помогне на Roche во спречувањето и препознавањето на какво било користење на, или пристап до, апликацијата Accu-Chek Connect што го прекршува овој договор или важечките законски прописи.

2 СОПСТВЕНИЧКИ ПРАВА

Сите права, сопственост и интереси вклучително, но не и ограничено на, авторските права, трговските заштитни марки и другите права од интелектуална сопственост врз и за апликацијата Accu-Chek Connect се во сопственост на Roche и на давателите на лиценцата. Roche ги задржува сите права што не се експлицитно одобрени тука, а правата на Корисникот да ја користи апликацијата Accu-Chek Connect се ограничени на условите на овој договор. Корисникот нема да ги отстранува идентификацијата на производот, трговскиот заштитен знак, авторските права, доверливоста, известувањето за сопственост или другите известувања што се содржат на или во апликацијата Accu-Chek Connect.

3 ОГРАНИЧУВАЊЕ НА ГАРАНЦИЈАТА

3.1 Во случај на дефект на апликацијата Accu-Chek Connect, Корисникот има право да побара Roche да го поправи дефектот или да набави друга верзија којашто нема дефекти, под услов Roche да има право да избира помеѓу таквите решенија по своја волја кога Корисникот е деловен клиент. Таквиот избор Roche го прави со писмено известување (доволно е по факс или е-пошта) во рок од три работни дена по приемот на известувањето од Корисникот за дефектот. Roche може да одбие да поправи неисправен производ на начинот што го побарал Клиентот доколку таквата поправка резултира со неразумни трошоци.

3.2 Ако решението (дополнителното извршување) во согласност со Делот 3.1 е неуспешно или не може разумно да се очекува од Корисникот, или Roche одбие да го поправи дефектот на тој начин, Корисникот има право да го прекине договорот или да побара надомест на штета или обесштетување на трошоците, во секој случај во согласност со важечките законски прописи, но под услов побараното обештетување од Корисникот да подлежи на одредбите содржани во Делот 4.

3.3 Периодот на гаранција е две години од испораката на апликацијата Accu-Chek Connect доколку Корисникот е потрошувач или, во друг случај, дванаесет месеци од испораката на апликацијата Accu-Chek Connect.

3.4 Само за деловните клиенти се применува следново: Веднаш по испораката Корисникот е должен да ја провери апликацијата Accu-Chek Connect со должно внимание. Се смета дела Корисникот ја одобрил испорачаната апликација Accu-Chek Connect освен кога Roche не е известен за дефектот (1) во случај на очигледен дефект во рок од пет работни дена по испораката или, во друг случај, (2) во рок од пет работни дена од денот кога е идентификуван дефектот.

4 ОГРАНИЧУВАЊЕ НА ОДГОВОРНОСТА

4.1 Без оглед на причината за дејството, одговорноста на Roche се ограничува на штетите предизвикани од Roche, неговите вработени или подизведувачи што се резултат на намерно несоодветно однесување, свесна небрежност или, во случај на повреда на суштинска должност од договорот, несвесна небрежност. Должностите се сметаат за суштински ако се неопходни за навремено извршување на овој договор, така што Корисникот може да очекува нивно редовно прописно спроведување.

4.2 Ако Roche се смета за одговорен за несвесна небрежност согласно Дел 4.1, одговорноста на Roche се ограничува на оние вообичаени штети што разумно можеле да се предвидат во времето на склучувањето на овој договор или најдоцна во времето на прекршување на соодветната договорна обврска.

4.3 Одговорноста на Roche за какви било штети што настанале поради прекршување на одредена гаранција или за штетите што треба се надоместат според Законот за одговорност за производот и за штетите предизвикани поради загуба на живот, повреда или загрозување на здравјето останува непроменета. За да се избегне сомнеж, Roche издава вакви посебни гаранции само во писмена форма потпишани од раководните директори.

4.4 Иако апликацијата Accu-Chek Connect има можност за резервна копија, Корисникот е должен редовно да прави резервни копии од податоците и поставките, особено од сите податоци поставени или складирани во рамките на апликацијата Accu-Chek Connect, а апликацијата Accu-Chek Connect не треба да се користи како единствен капацитет за складирање на податоците на Корисникот. Во случај на загуба на податоците, Roche е законски одговорен само за трошоците за враќање на таквите резервни копии.

5 РАЗНО

5.1 Ако некои одредби од овој договор се неважечки или неспроведливи согласно некој од важечките законски прописи, тоа нема да има никакво влијание врз останатите одредби. Одредбата што е неспроведлива или што содржи празнина ќе се смета за заменета со одредба што е спроведлива и без празнина, на којашто страните разумно ќе се согласеле доколку биле свесни за дефектот.

5.2 Овој договор се уредува со законите на Германија, а примената на Конвенцијата на ОН за договори за меѓународна продажба на стоки е изземена.