Jou data en MyDrive

MyDrive stoor jou data by TomTom. Jou data sluit instellings, voorkeure en gunstelingliggings in sowel as bestemmings waarheen jy roetes beplan het. Wanneer jy MyDrive aktiveer, word hierdie outomaties beskikbaar gestel aan alle toestelle en apps waarvoor jy magtiging verleen het. Slegs toestelle en apps wat deur jou vir MyDrive gemagtig is, en ander persone aan wie jy magtiging verleen het om data mee te deel, het toegang tot jou data.

Om die toestelle of programme wat u met MyDrive wil gebruik, te magtig, teken in met u TomTom-rekening of 'n rekening van 'n ondersteunende verskaffer. My Drive sal dan 'n verwysing behou van al u toestelle en programme wat verband hou met u TomTom- rekening. MyDrive het nie toegang tot jou rekening se wagwoord nie.

Wanneer jy MyDrive op 'n toestel of app deaktiveer, sal veranderings aan jou data nie meer na daardie toestel of app gesinchroniseer word nie. Die data in MyDrive sal steeds via MyDrive beskikbaar bly totdat jy dit uitdruklik skrap, byvoorbeeld via die TomTom-webwerf of deur van 'n toestel of app gebruik te maak wat die skrap van data ondersteun.

Slegs nadat jy jou toestemming verleen het en nadat ons seker gemaak het dat dit geensins met jou verbind kan word nie, gebruik ons by TomTom ook die inligting komende van jou rekening om ons produkte en dienste te verbeter. Hierdie produkte en dienste word ook deur staatsagentskappe en sakeondernemings gebruik. Jy kan te eniger tyd jou toestemming verleen of terugtrek deur die instellings of voorkeure in die TomTom-sagteware op jou toestel te verander. Deur te kies om TomTom van inligting te voorsien, help jy om dit lekkerder, veiliger en prettiger te maak om te bestuur. Dankie.

MyDrive kan ook onder 'n ander naam tot jou beskikking gestel word op toestelle en in apps wat deur jou gemagtig is maar wat nie deur TomTom aan jou gelewer word nie. Hoe jou data in MyDrive daarna gebruik word, is onderworpe aan die manier waarop elk van die onderskeie toestelle of apps werk en word beheer deur die privaatheidsbeleid en bepalings en voorwaardes van daardie toestel of app. TomTom het geen invloed hieroor nie.

Benewens om jou data met MyDrive te stoor, hou TomTom vir 'n tydperk van 3 maande rekord van die manier waarop die toestelle en apps waaraan jy magtiging verleen het, toegang tot MyDrive verkry het. Hierdie inligting word gebruik om gemiddelde gebruikerstatistiek te skep sowel as vir tegniese diagnostiese doeleindes.

Jou data word in die EU geberg en is onderworpe aan Europese databeskermingswette. TomTom pas sekuriteitsmetodes ooreenkomstig bedryfstandaarde toe om jou data teen ongemagtigde toegang te beskerm onderwyl dit in MyDrive gestoor en na of vanaf jou toestelle en apps versend of herwin word.

Ons sal aan niemand anders toegang tot jou MyDrive-data verleen of dit vir enige ander doel gebruik nie, tensy ons uitdruklik en wettig aangesê word om dit te doen nadat voorgeskrewe regsprosesse gevolg is.